ԾԱՆՈԹԱՑԵՔ ՄԵՐ ՀԻՎԱՆԴԱՆՈՑԻՆ

• Հիգիենիկ և հակահամաճարակային  անվտանգության ապահովումն ու  նորմերի խիստ պահպանումը

• Ազգաբնակչության նպատակային խմբերի  պատվաստումների գործընթացում  բարձր ընդգրկվածությունը, այդ թվում նաև՝ COVID-19 համավարակով պայմանավորված պատվաստումների իրականացումը,  որը կկանխարգելի հիվանդությունների սրացումը և մասայական բնույթի տարածումը,

• 18 տարեկանից բարձր  ազգաբնակչության զարկերակային ճնշման  վաղ հայտնաբերումը, ՄԶՑ-ի ցուցանիշների սկրինինգ

• Այնպիսի խորհրդատվական  ծրագրերի իրականացումը, որի շրջանակներում կբարձրանա ծնելիությունը տարածաշրջանի ակտիվ վերարտադրողական տարիքի կանանց շրջանում

• Մահացության հնարավոր ռիսկերի նվազեցում և այլն:

Այսօր  դարաշրջանը տեխնոլոգիական և տեղեկատվական զարգացման  ամենաբարձր փուլում է գտնվում,  հետևաբար հասարակության կողմից  առավելությունը և նախապատվությունը տրվում է  այն բժշկական հաստատություններին, որոնք  հագեցած են ժամանակակից տեխնիկայով և ունեն  հետազոտությունների լիարժեք անցկացման  բոլոր կամ մասնակի  հնարավորությունները, իսկ  քանի որ բժշկությունը այն ոլորտն է , որտեղ հետազոտությունները շաղկապված  են մեկը մյուսի հետ, իսկ հետագա բուժումը   պահանջում է մի քանի ծառայությունների մատուցում  կամ մասնագետների ներգրավվում, ապա այս դեպքում բնակիչը նախընտրում  է դիմել այդպիսի բուժ հաստատություն՝ ավելորդ տեղաշարժի սահմանափակման  նպատակով:

Այս ամենով պայմանավորված՝ բժշկական կենտրոնը առաքելություն է  որդեգրել շարունակաբար  ընդլայնել ծառայությունների ցանկը , ստեղծել բոլոր պայմանները  ախտորոշիչ հետազոտությունների, վերականգնողական բուժման և բժշկական փորձաքննության  անցկացման համար ՝  համալրելով կազմակերպությունը անհրաժեշտ  բոլոր սարքավորումներով, մասնագետներով և  աշխատանքային պայմաններով:

 

Մենք սիրով աշխատում ենք ձեզ համար և անում ամենը ` ձեր առողջությունը վերականգնելու և պահպանելու համար: